Si funksionon AUTODOC-KS

Nga kërkimi te dera jote, në katër hapa.

1 · Gjeje pjesën

Tri rrugë — zgjidh atë që të vjen më lehtë:

• Me numrin e shasisë (VIN) — 17 shenjat e veturës tënde. Kjo është rruga më e saktë, sepse pjesa i përgjigjet pikërisht motorit dhe vitit tënd, jo thjesht modelit.
• Me numrin OEM — nëse e ke numrin e shkruar mbi pjesën e vjetër.
• Duke zgjedhur veturën — markë, model, motor. Rreth 190 marka dhe mijëra motorë.

2 · Krahaso dhe zgjidh

Çmimi që sheh është çmimi përfundimtar — transporti është brenda tij, pa shtesa në fund.

Artikujt që kanë mbaruar nuk fshihen. Shfaqen me vulën SHITUR, që të mund t'i hapësh e t'i lexosh specifikimet edhe kur nuk porositen dot — shpesh të ndihmojnë ta gjesh pjesën e duhur. Nëse do të shohësh vetëm çka blen dot tani, ndize filtrin „Vetëm produktet me stok“.

3 · Porosit

Shto në shportë, plotëso adresën, dhe paguaj online me kartelë bankare. Pagesa kryhet në një faqe të sigurt; ne nuk i ruajmë të dhënat e kartelës.

4 · Merre në derë

Dërgesa bëhet deri te dera jote, në Kosovë dhe rajon, brenda 7–30 ditë pune nga momenti i konfirmimit të pagesës.

Nëse diçka nuk shkon

Kthimi pranohet brenda 14 ditësh nga dita e pranimit, nëse pjesa nuk është përdorur dhe ambalazhi origjinal është i paprekur. Kur pjesa vjen e dëmtuar, e gabuar ose me defekt, transportin e kthimit e mbulojmë ne.

Kërko kthimin e mallit

Për bizneset

Nëse porosit në emër të një biznesi, llogaria jote individuale konvertohet në llogari biznesi. Shkruan numrin unik (NUI) dhe të dhënat mbushen vetvetiu nga regjistri i bizneseve — emri ligjor, forma, adresa, personi i autorizuar.

Pas aprovimit, çdo faturë dhe profaturë del në emër të biznesit, me elementet që i duhen kontabilitetit. Numri fiskal dhe numri i TVSH-së janë fakultativë, sepse jo çdo biznes i ka.

Për mjeshtrit dhe garazhdet

Garazhdet regjistrohen brenda aplikacionit. Pas verifikimit nga ne, emri i garazhdit shfaqet me një shenjë verifikimi, dhe mjeshtri i ndryshon vetë të dhënat e veta kurdo.

Ke ende pyetje?

Na shkruaj në WhatsApp ose Viber — i gjen te faqja Kontakti. Përgjigjemi shpejt.